الفرق بين مصمم الويب Web designer ومطور الويب Web developer - معلومة على السريع

ما الفرق بين مصمم الويب ومطور الويب


السلام عليكم ورحمة الله وبركاته
لمن يريد ان يبدأ في برمجة الويب يختلط علي بعض الاشخاص مصطلحين هما مصمم الويب ومطور الويب
طيب ايه الفرق بينهم
الامر هيعتمد علي هدفك من الاول وبما اننا هنا هنتكلم في برمجة الويب فندخل ونقول ابدأ ايه مصمم ولا ومطور؟ الاتنين مختلفين ولا في واحد فيهم احسن من التاني؟

بداية هنتكلم عن مصمم الويب وهو
مسئول عن تصميم وتنسيق الموقع بمعني شكل وواجهة الموقع(هو مختص باللي هيظهرلك انت كمستخدم للموقع)
طيب لو انا عاوزة ابدأ مصمم ادرس ايه؟
 دول اهم 3 واساسيين:
Html -css -javascript
Html5 -css3 - jQuery -Bootstrap- wordpress

ويسمي frontend

طيب المطور؟
المطور مسئول عن البرمجة والعمليات اللي بتحصل وراء الكواليس 
بمعني لما انت كمستخدم تسجل دخول مثلا علي حسابك علي الفيس بوك هيطلب موقع فيس بوك اسم المستخدم وكلمة المرور في هذه الأثناء بعد ما تدخل بياناتك هيرسل الموقع البيانات للسيرفر اللي موقع الفيس مخزن عليه بيانات المستخدمين أرسل البيانات عشان يتم التحقق منها صحيحة ام لا (كل العمليات دي هيكون مسئول عنها المطور) هو مختص بالعمليات وحل المشكلات اللي بتحصل في الخلفية) ولذلك نسميها backend

طيب ادرس ايه للمطور
الـ3 الاسايين:
 Html - css -javascript- PHP
(phpليها مراحل هنتكلم عنها فيما بعد)
بعدين الداتا Data base
ياإما sQl server او oracle
ان شاء الله يكون وضح الفرق بينهم


طيب مين فيهم أحسن من التاني؟ المصمم ولا المطور
السؤال دا ما عجبني ليه احنا قلنا انه المصمم مسئول عن واجهة الموقع وشكله اللي بيظهر للمستخدم 
والمطور بيقوم بالعمليات اللي بتحصل في الخلفية ما وراء الكواليس وبيتعامل مع الداتا (البيانات)
فما ينفع نقول ايهما أحسن لأنهم بيكملوا بعض كل واحد ليه خصائصه ومميزاته
والان ماذا عنك هل ستتخذ خطوة في تعلم البرمجة؟
البوست طويل لكن مهم جدا
دمتم بكل الخير يارب

#معلومة_على_السريع
#الجزء_الثاني
#برمج_حياتك
#نلتقي_على_خير_في_الجزء_الثالث
#safaa_emam

Post a Comment

أحدث أقدم